கடையில் விற்கும் இட்லி,தோசை மாவு ஸ்லோ பாய்ஸனா?

கடையில் விற்கும் இட்லி,தோசை மாவு ஸ்லோ பாய்ஸனா?


ஆமாம்  இட்லி,தோசை மாவு ஸ்லோ பாய்ஸனாகி கொண்டிருக்கிறது என்பது  உண்மைதான்.

 ஒரு வயது குழந்தை முதல் தள்ளாடும் வயது வந்தவர்கள் வரை உண்­பது "இட்லி, அல்லது தோசை" எனப்­ப­டும்  தமி­ழ­னின் உணவு. இது போக நோயாளிகளும், அறுவை சிகிச்சை செய்­த­வர்­க­ளும் மற்­றும் திட உணவு சாப்­பிட ஆரம்­பிக்­கும் எந்த ஒரு நோயாளிகளுக்கும் பரிந்­து­ரைக்­கும் முதல் உணவு வேகவைத்த இட்லிதான்.

இட்­லியை நீங்­கள் வீட்­டில் மாவ­ரைத்து சாப்­பிட்­டால் பிரச்னை கொஞ்­ச­மும் இல்லை .இதை கடை­யில் வாங்கி சாப்­பிட்­டால் பல பேருக்கு ஒத்து வராது என்­பது மறுக்க முடி­யாத உண்மை. பிறகு என்­ன­தான் பிரச்னை என்­கி­றீர்­களா, அது பற்­றிய  கட்­டுரைதான் இந்த பதிவு.



 ஒரு காலத்­தில் நாம் ஆட்­டு­ர­லில் மாவு அரைத்­தோம். அதன் பின் அது மிக்ஸி மற்­றும் எலக்ட்­ரா­னிக் கிரைண்­டராக மாறியது .  வாழ்க்கை மாற்­றங்­க­ளின் கார­ணத்­தால் அதுவும் தவிர்க்க முடி­யாத ஒரு விஷ­ய­மாகி­ போனது. சமீ­ப­மாக ஒரு முக்­கிய திருப்பு முனை­யாக இட்லி  தோசை மாவு ரெடி­யாக இப்­பொ­ழுது பட்டி தொட்டி, அண்­ணாச்சி கடை முதல் பெரிய சூப்­பர் மார்க்­கெட்­டி­லும் கிடைக்­கி­றது.  இந்த கால மக்­க­ளுக்கு இட்லி மாவு அரைப்­ப­து எப்படி என்பதே மறந்து போயிடுச்சு என்று சொல்லாம்

முன்­பா­வது திடீர் டிபன் ரவா உப்­பு­மா­தான். இப்­பொ­ழுது நம்ம வீட்டு சின்ன சிறுசுகளிடம்  ஒடி போய் ஒரு பாக்­கெட் இட்லி தோசை மாவு தெரு­முனை கடை­யில வாங்கி வா" என்று சொல்லி, அந்த மாவை இட்லி தோசை ஊத்தி மிச்­சத்தை பிரிஜ்­ஜில் வைத்து அது முடி­யும் வரை உப­யோ­கிக்­கி­றார்­கள். இதை பேச்­சு­லர்ஸ் மட்டுமல்ல குடும்ப பெண்களும் அன்றாடம் பயன்படுத்துகிறார்கள்

இந்த மாவு ஒரு உயிர்­கொல்லி, ஸ்லோ பாய்­ஸன் என்­பது ஏனோ நிறைய பேருக்கு தெரி­வ­தில்லை. இதன் பயங்­க­ரத்தை இங்கு பார்ப்­போம் வாருங்­கள்...

Food Poison: Watch How "Dosa Maavu" in packets are made?

1. நீங்­கள் வாங்­கும் எந்த ஒரு வெட் ப்ளோர் -Wet Flour (ஈர பத தோசை மாவிற்கு) ஐ எஸ் ஐ -ISI சான்­றி­தழ் கிடை­யாது. அத­னால் இது எந்த ஒரு ஆராய்ச்சி கூடத்­தி­லும் சோதனை செய்­ய­ப்ப­ட­வில்லை.

2. இந்த மாவு சில மட்­ட­மான அரி­சி­யும், உளுந்­தும், முக்­கி­ய­மாக மாவுக்கு முன் காலத்­தில் புண்­ணுக்கு பயன்­ப­டும் போரிங் பவு­டர் மற்­றும் ஆரோட் மாவு போடு­வ­தால் மாவு பூளிப்பு வாசைனை கண்டிப்பாக வராது. அது போக மாவும் பொங்கி நிறைய வரும் என்­ப­தால் இதை செய்­கின்­ற­னர். இதே மாதிரி வீட்­டில் அரைத்த மாவை ரெண்டு நாள் வைத்து மூணா­வது நாள் முகர்ந்து பாருங்­கள். புளிப்பு வாசை­னை­யும் வரும். தோசை­யும் புளிக்­கும். ஏனென்­றால் மாவு பக்­கு­வ­மா­வ­தும், தயிர் உறை­வ­தும் ஒரு நல்ல பேக்­டீ­ரி­யா­வின் செய­லா­கும். இதை தவிர்க்­கத்­தான் கடை­யில் வாங்­கும் மாவுக்கு 6 நாள் கியா­ரன்டி அளித்­தும் ஒரு வாச­னை­யும் வரா­மல் இருக்க கார­ணம்  புண்­ணிற்கு போடும் போரிங் பவு­ட­ரும், ஆரோட் மாவும்­தான்.

3. முக்­கி­ய­மாக இந்த கிரைண்­டர்­கள் கமர்­ஷி­யல் ரகம் இல்லை. அதா­வது ஒரு நாளைக்கு 3 –- 6 மணி நேரம் அரைக்க முடி­யும். ஆனால் இவர்­கள் 12- – 18 மணி நேரம் தொடர்ந்து ஓட்­டு­வ­தால் அந்த கல் கொஞ்­சம் கொஞ்­ச­மாக தேய்­மா­னம் ஏற்­பட்டு பல சம­யம் இந்த சிறு கருங்­கள் துகள்­க­ளால் தான் சமீ­ப­மாக நிறைய பேருக்கு சிறு நீர­கத்­தில் கல் உண்­டா­கி­றது. ஒரு நல்ல கல்­லின் ஆயுள் 12 மணி நேரம் அரைத்­தால் வெறும் 6 மாதம் தான். கொத்தி போட்­டா­லும் அடுத்த மூன்று மாதம் தான்.

4.  சமை­யல் செய்­யும் ஆட்­கள் கை அடிக்­கடி கழுவ வேண்­டும். நகங்­கள் வளர்க்­கவே கூடாது. ஆனால் இந்த மாதிரி எந்த ஒரு சுத்­த­தை­யும் இவர்­கள் பேணு­வ­தில்லை. ஒவ்­வொரு நகத்­தின் இடுக்­கி­லும் உள்ள கிரு­மி­கள் இந்த மாவில்­கெட்ட பேக்­டி­ரி­யாக்­கள் மற்­றும் கிரு­மி­கள் ஈஸி­யாக சேர்ந்து உங்­க­ளுக்கு எதிர்ப்பு சக்தி குறைந்து மற்­றும் வாந்தி பேதி அடிக்­கடி உடம்பு முடி­யா­மல் போவ­தற்க்கு இது தான் கார­ணம்.

5. கிரைண்­டரை எனக்கு தெரிந்து பெண்கள் பயன்­ப­டுத்த தயக்­கம், இரண்டு விஷ­யங்­கள். 1. கிரைண்­டரை சுத்­தம் செய்­யும் கஷ்­டம் 2. கல்லை துாக்கி போட வேண்­டும். ஒவ்­வொரு முறை­யும், பெரிய குடும்­ப­மென்­றால் இது சாத்­தி­யம். சிறு குடும்­பம் அத­னா­லயே கடை­யில் மாவு வாங்­கு­கி­றது. ஆனால் இவர்­கள் கிரைண்­டரை ஒவ்­வொரு மாவு முடிந்­தும் கழு­வு­வ­தில்லை அத­னால் அந்த கிரைண்­ட­ரின் கிருமி அதி­க­ரித்து கொண்டே செல்­கி­றது. இவர்­கள் வணிக ரீதியாக பயன்­ப­டுத்த ஒவ்­வொரு முறை­யும் சூடு நீர்(Hot Water) உற்றி தான் சுத்­தம் செய்ய வேண்­டும். ஆனால், இவர்­கள் ஒரு வாரத்­திற்கு ஒரு முறை கழு­வி­னாலே அதி­கம். மாவு பொருட்­க­ளி­னால் எலி­கள் மற்­றும் பூச்­சி­கள் அந்த மிச்ச மாவை ருசிக்க கண்­டிப்­பாக சாத்­தி­யம் உண்டு.

6. என்­ன­தான் நல்ல அரிசி, உளுந்து போட்­டா­லும் நல்ல தண்­ணீர்­தான் ஊற்றி மாவு அரைக்க வேண்­டும். இவர்­கள் எந்த தண்­ணீரை உப­யோ­கப்­டுத்­து­கின்­ற­னர் என்­பது கட­வு­ளுக்கு கூட தெரி­யாது. எனக்கு தெரிந்த தக­வல் படி இவர்­கள் போரிங் தண்­ணீர் மற்­றும் உப்பு தண்­ணிரை ஊற்­று­கின்­ற­னர். கார­ணம், உப்பு போட வேண்­டிய அவ­சி­ய­மில்லை.

7. அந்த கால பார்­முலா படி நம் முன்­னோர்­கள் இட்­லிக்கு மாவு அரைக்­கும் போது ஒரு கை வெந்­த­யத்தை போட்டு அரைப்­பார்­கள். வெந்­த­யம் ஒரு இயற்கை ஆன்டி பயா­டிக்.  உடம்பு உஷ்­ணம், வாய் நாற்­றம், அல்­சர்க்கு இது ஒரு நல்ல பொருள். ஆனால் இவர்­கள் யாரும் வெந்­த­யத்தை உப­யோ­கிப்­ப­தில்லை.

8. கிரைண்­ட­ரில் மாவு தள்­ளி­வி­டும் அந்த பைபர் பிளாஸ்­டிக்கை ஆறு மாதத்­திற்க்கு அல்­லது வரு­டத்­திற்கு ஒரு முறை மாற்ற வேண்­டும். ஆனால், இவர்­கள் அதை மாற்­றவே மாட்­டார்­கள். அத­னால் அந்த பிளாஸ்­டிக் கொஞ்­சம் கொஞ்­ச­மாக தேய்ந்து அது­வும் இந்த மாவில்­தான் விழு­கி­றது.

9. கிரைண்­டர் ஒட அந்த மத்­திய குழ­வியை இணைக்­கும் ஒரு செயின். அந்த செயினை இவர்­கள் கழட்டி ஒரு கார்­பன்­டம் பெல்ட்டை மாட்டி இருப்­பார்­கள். ஒன்று சத்­தம் வரா­மல் இரு­ப­தற்­கும் மற்­றும் மாவை கையால் தள்ளி விடா­மல் அரைக்­கும் டெக்­னிக்­கிற்­காக. அந்த பெல்ட் தண்­ணீர் பட்டு பட்டு அந்த பெல்ட் துகள்­க­ளும் மாவில்­தான் விழு­கி­றது.

10. இந்த மாவை இவர்­கள் அரைத்து கடைக்கு பிளாஸ்­டிக் பேக் மூலம் சப்ளை செய்­கின்­ற­னர். நமது தமிழ் நாட்டு கிளை­மேட்­படி இதை பிரிட்ஜில் தான் வைக்க வேண்­டும். அப்­பொ­ழு­து­தான் இந்த மாவில் பாக்­டீ­ரி­யா­வின் உற்­பத்­தியை கட்­டு­ப­டுத்த முடி­யும். ஆனால் நம்­மூர்  கடை­க­ளில் கரண்ட் கட் பிரச்­னை­யில் இந்த மாவு கண்­டிப்­பாக பாய்­ஸ­னா­கி­றது.

இந்த மாவில் நிறைய இடங்­க­ளில் இப்­பொ­ழுது பால், தயிறு, முட்டை, காய்­கறி, மாட்­டி­றைச்சி­க­ளில் காணப்­ப­டும் ஈகோலி (E-COLI) எனும் பாக்­டீ­ரியா பரவி சில­ருக்கு உடனே பிரச்­னை­யும், சில­ருக்கு இந்த மாவு­கள் ஸ்லோ பாய்­ஸ­னா­க­வும் உரு­வா­கி­றது. இந்த ஈகோலி - 24 மைனஸ் 24 டிகி­ரிக்கு கீழே இருந்­தால்­தான் கொஞ்­ச­மா­வது கட்­டுப்­ப­டும்.

அத­னால் தயவு செய்து  விற்­பனை செய்­யும் மாவில் 6 நாள் கியா­ரண்­டி­யில் ஈர­மான இட்லி, தோசை மாவை கண்­டிப்­பாக வாங்­கு­வதை தவி­ருங்­கள். உலர்ந்த மாவு பர­வா­யில்லை. இதே மாதிரி சிலர் மாவ­ரைத்து நான்கு அல்­லது ஐந்து பேர் ஷேர் செய்­யும் தாய்­மார்­க­ளும் கண்­டிப்­பாக கவ­னம் தேவை.

இப்­பொ­ழுது இது ஒரு அங்­கி­க­ரிக்­க­பட்ட தொழில் அல்ல. அத­னால் மாந­க­ராட்சி ரெய்டு செய்து மாவு அரைக்­கும் இடங்­க­ளில் எல்­லாம் கைய­கப்­ப­டுத்­து­கி­றது. என்­ன­தான் கைய­கப்­ப­டுத்­தி­னா­லும் எல்­லாம் நம் கையில் தான் இருக்­கி­றது அல்­லவா....!   வெந்த இட்லியிலும் சில வேகாத விஷயங்கள் இது.

உண்மையை போட்டு உடைக்கும்
உங்கள் குத்தூசி

முன்பு தமிழ் நாளிதழில் வந்த செய்தியை வைத்து இந்த பதிவு எழுதப்பட்டு இருக்கிறது



தகவல் தொடர்புக்கு : enuyirthamizha@gmail.com